Откриј го совршеното кафе
#ајденакафе
Запознај го Кафе Grand
забава
Големиот број на обврски и недостатокот на време бараат совршена организација од нас за да можеме сè да завршиме. На сите ни се случува и по напорниот работен ден да не сме ги завршиле сите обврски, а веќе немаме енергија и се чувствуваме уморни. Сепак, има помош! Постојат едноставни и лесни начини за зголемување на енергијата и за враќање на продуктивноста. Ние имаме неколку предлози за тебе.
Утринска рутина
За да ги задржиш здравите навики и да останеш продуктивен, најдобро е да воспоставиш утрински рутини. Да, местењето на креветот се подразбира, но малите ритуали како што се туширање, подготвување појадок (уште подобро ако е здрав), јога или медитација од десет минути ќе ти помогнат да се разбудиш и да го започнеш денот правејќи нешто корисно за себе, нешто што ти помага добро да се чувствуваш. Додека се подготвуваме за работниот ден, ја подготвуваме и првата шолја утринско кафе, кое дополнително ни дава енергија и создава чувство на свежина.
Чист и уреден простор
Доколку работиш од дома, важно е добро да се организираш, да го претвориш твојот дневен простор во „канцеларија“ и да ги распоредиш обврските според нивниот приоритет. Работна маса, тивка амбиентална музика и бележник се доволни за да му сигнализираат на мозокот дека работиш, а ако твојата работна површина е секогаш чиста и уредна, ќе имаш повеќе волја за работа.
Направи пауза за кафе
По неколку часа работа, ништо не е подобро од шолја јако, домашно кафе! Самиот мирис на кафе асоцира на пријатност и уживање, а кратката пауза за подготовка и послужување на омилениот пијалок е доволна за да се опуштиме и растеретиме. За да ги почувствуваш неговите благодети, пиј свежо мелено кафе без никакви додатоци. За дополнително задоволство, затвори ги очите на кратко и дозволи му на кафето да ги разбуди сите твои сетила со својот полн вкус!
Пробај ја техниката Помодоро
Развиена од Франческо Сирило кон крајот на 1980-тите, оваа техника помага да се зголеми продуктивноста со делење на работното време на два сегменти од 25 минути и две пократки паузи од 5 минути. Искористи ја паузата од пет минути за да им се јавиш на твоите најблиски, да ги повадиш цвеќињата, да ужинаш. Оваа практика ќе го навикне мозокот на кратки паузи, а за време на работата ќе имаш подобра концентрација.
Доволно спиење
Истражувањата покажуваат дека недостатокот на сон е директно поврзан со намалената продуктивност. За да спиеш минимум седум часа, треба да легнеш во исто време секој ден и да не го одложуваш алармот наутро. На овој начин ќе создадеш рутина, а твоето тело ќе се навикне на правилен циклус на спиење.
Кои се твоите „мали совети“ за продуктивен ден?